ਪਰਿਵਾਰ (ਰਿਸ਼ਤਾ) ਦਾ ਟੁੱਟਣਾ
ਆਪਣੇ ਹੱਕਾਂ ਦੇ ਰਾਖੀ ਕਰਨ ਲਈ ਕਾਹਲੀ ਨਾਲ ਕਾਰਜ ਕਰੋ। ਕੇਵਲ ਅਦਾਲਤ ਕੋਲ ਹੀ ਤੁਹਾਡੇ ਕੋਲੋਂ ਘਰ ਖਾਲੀ ਕਰਵਾਉਂਣ ਦਾ ਅਧਿਕਾਰ ਹੈ। ਜੇਕਰ ਤੁਸੀਂ ਪਰੇਸ਼ਾਨ ਹੋ ਤਾਂ ਮਸਲੇ ਬਾਰੇ ਗੱਲਬਾਤ ਕਰਨ ਲਈ ਆਪਣੇ ਨੇਬਰਹੁੱਡ ਦਫ਼ਤਰ ਨਾਲ ਸੰਪਰਕ ਕਰੋ।
ਤੁਹਾਡੇ ਸਵਾਲਾਂ ਦੇ ਜਵਾਬ
ਕੀ ਮੇਰਾ ਸਾਥੀ ਮੈਨੂੰ ਘਰ ਤੋਂ ਨਿੱਕਲ ਜਾਣ ਲਈ ਕਹਿ ਸਕਦਾ ਹੈ?
ਜੇਕਰ ਤੁਸੀਂ ਕਿਰਾਏਦਾਰ ਦੇ ਤੌਰ ਤੇ ਨਾਮਜ਼ਦ ਹੋ ਤਾਂ ਤੁਹਾਡੇ ਕੋਲ ਰਹਿੰਣ ਦਾ ਹੱਕ ਹੈ। ਜੇਕਰ ਤੁਸੀਂ ਵਿਆਹੇ ਹੋ, ਤਾਂ ਤੁਹਾਡੇ ਦੋਵਾਂ ਕੋਲ ਰਹਿੰਣ ਦਾ ਹੱਕ ਹੈ। ਜੇਕਰ ਤੁਸੀਂ ਸਹਿਮਤ ਨਹੀਂ ਹੋ ਸਕਦੇ ਕਿ ਕੌਣ ਘੱਰ ਛੱਡੇਗਾ ਤਾਂ ਕੇਵਲ ਅਦਾਲਤ ਹੀ ਇਸਦਾ ਫੈਸਲਾ ਕਰ ਸਕਦੀ ਹੈ। ਜੇਕਰ ਤੁਸੀਂ ਅਣ-ਵਿਆਹੇ ਹੋ ਅਤੇ ਕਿਰਾਏਦਾਰ ਵੀ ਨਹੀਂ ਹੋ, ਤਾਂ ਤੁਹਾਡੇ ਲਈ ਕਿਹਡ਼ੀਆਂ ਚੋਣਾਂ ਹਨ ਇਸਦੀ ਚਰਚਾ ਕਰਨ ਲਈ ਸਾਡੇ ਨਾਲ ਸੰਪਰਕ ਕਰੋ । ਸਲਾਹ ਲੈਣ ਤੋਂ ਪਹਿਲਾਂ ਘਰ ਵਿੱਚ ਆਪਣੇ ਰਹਿਣ ਦੇ ਹੱਕ ਦਾ ਤਿਆਗ ਨਾ ਕਰੋ। ਤੁਹਾਡੇ ਹੱਕ ਵੇਖੋ।
ਮੇਰੀ ਕਿਰਾਏਦਾਰੀ ਨੂੰ ਕੌਣ ਖ਼ਤਮ ਕਰ ਸਕਦਾ ਹੈ?
ਕਿਰਾਏਦਾਰੀ ਇਕਰਾਰਨਾਮੇ ਵਿੱਚ ਨਾਮਜ਼ਦ ਕੋਈ ਵੀ ਕਿਰਾਏਦਾਰ ਕਿਰਾਏਦਾਰੀ ਨੂੰ ਖ਼ਤਮ ਕਰ ਸਕਦਾ ਹੈ ਸ਼ਰਤ ਇਹ ਕਿ ਉਹ ਸਾਨੂੰ 4 ਮਹੀਨੇ ਦਾ ਨੋਟਿਸ ਦੇਵੇ। ਜੇਕਰ ਇਕ ਸੰਯੁਕਤ ਕਿਰਾਏਦਾਰ ਕਿਰਾਏਦਾਰੀ ਵਿੱਚ ਆਪਣਾ ਹਿੱਸਾ ਖ਼ਤਮ ਕਰਨਾ ਚਾਹੁੰਦਾ / ਚਾਹੁੰਦੀ ਹੈ ਤਾਂ ਉਸ ਲਈ ਸਾਨੂੰ ਅਤੇ ਦੂਜੇ ਸੰਯੁਕਤ ਕਿਰਾਏਦਾਰ ਨੂੰ ਨੋਟਿਸ ਦੇਣੀ ਜ਼ਰੂਰੀ ਹੈ। ਰਹਿੰਦੇ ਸੰਯੁਕਤ ਕਿਰਾਏਦਾਰ ਨੂੰ ਆਪਣੇ-ਆਪ ਘਰ ਵਿੱਚ ਰਹਿੰਣ ਦਾ ਹੱਕ ਨਹੀਂ ਮਿਲ ਜਾਂਦਾ।
ਜੇਕਰ ਤੁਸੀ ਕਿਰਾਏਦਾਰੀ ਇਕਰਾਰਨਾਮੇ ਵਿੱਚ ਨਾਮਜ਼ਦ ਨਹੀਂ ਹੋ ਅਤੇ ਤੁਹਾਡਾ ਸਾਥੀ ਕਿਰਾਏਦਾਰੀ ਖ਼ਤਮ ਕਰਨੀ ਚਾਹੁੰਦਾ ਹੈ, ਤਾਂ ਜਿੰਨੀ ਜਲਦੀ ਹੋ ਸਕੇ ਸਾਡੇ ਨਾਲ ਸੰਪਰਕ ਕਰੋ, ਇਹ ਪਤਾ ਕਰਨ ਲਈ ਕਿ ਤੁਸੀਂ ਆਪਣੇ ਘਰ ਵਿੱਚ ਰਹਿ ਸਕਦੇ ਹੋ ਜਾਂ ਨਹੀਂ। ਤੁਹਾਡੇ ਹੱਕ ਵੇਖੋ।
ਜੇ ਮੇਰਾ ਸਾਥੀ ਜਾਂ ਸੰਯੁਕਤ ਕਿਰਾਏਦਾਰ ਨੇ ਘਰ ਛੱਡ ਦਿੱਤਾ ਹੋਵੇ ਤਾਂ ਕੀ ਹੋਵੇਗਾ?
ਜੇਕਰ ਸੰਯੁਕਤ ਕਿਰਾਏਦਾਰ , ਜਾਂ ਤੁਹਾਡਾ ਸਾਥੀ ਜੋ ਕਿਰਾਏਦਾਰ ਹੈ , ਨੇ ਸਾਨੂੰ ਦੱਸਣ ਤੋਂ ਪਹਿਲਾਂ ਹੀ ਘਰ ਛੱਡ ਦਿੱਤਾ ਹੈ, ਤਾਂ ਇਹ ਪਤਾ ਕਰਨ ਲਈ ਸਾਡੇ ਨਾਲ ਸੰਪਰਕ ਕਰੋ ਕਿ ਤੁਸੀਂ ਘਰ ਵਿੱਚ ਰਹਿ ਸਕਦੇ ਹੋ ਜਾਂ ਨਹੀਂ। ਕਿਰਾਏਦਾਰੀ ਵਿੱਚੋਂ ਘਰ ਛੱਡਣ ਵਾਲੇ ਕਿਰਾਏਦਾਰ ਦਾ ਨਾਂ ਹਟਾਉਂਣ ਤੋਂ ਪਹਿਲਾਂ ਸਾਡੇ ਲਈ ਉਸਨੂੰ ਨੋਟਿਸ ਦੇਣਾ ਜ਼ਰੂਰੀ ਹੈ।
ਤੁਹਾਡੇ ਹੱਕ
- ਸੰਯੁਕਤ ਕਿਰਾਏਦਾਰਾਂ ਕੋਲ ਘਰ ਵਿੱਚ ਰਹਿੰਣ ਦੇ ਸਮਾਨ ਹੱਕ ਹਨ ਪਰ ਉਨ੍ਹਾਂ ਵਿੱਚੋਂ ਕੋਈ ਵੀ ਕਿਰਾਏਦਾਰੀ ਖ਼ਤਮ ਕਰ ਸਕਦਾ ਹੈ। ਜੇਕਰ ਹਰ ਕੋਈ ਸ਼ਾਮਿਲ ਬੰਦੇ ਹਾਮੀ ਭਰਦਾ ਹੈ ਤਾਂ ਅਸੀਂ ਕਿਰਾਏਦਾਰੀ ਨੂੰ ਰਹਿੰਦੇ ਸਾਥੀ ਦੇ ਨਾਂ ਤੇ ਕਰ ਸਕਦੇ ਹਾਂ।
- ਜੇਕਰ ਤੁਸੀਂ ਸੰਯੁਕਤ ਕਿਰਾਏਦਾਰ ਨਹੀਂ ਹੋ, ਤਾਂ ਜਿਹਡ਼ੇ ਬੰਦੇ ਦਾ ਨਾਂ ਕਿਰਾਏਦਾਰ ਦੇ ਤੌਰ ਤੇ ਹੈ ਉਸ ਕੋਲ ਆਪਣੇ ਸਾਥੀ ਨੂੰ ਘਰ ਛੱਡਣ ਲਈ ਕਹਿਣ ਦਾ ਅਧਿਕਾਰ ਹੈ। ਪਰ, ਜੇਕਰ ਤੁਸੀਂ ਵਿਆਏ ਹੋ ਤਾਂ ਤੁਹਾਡੇ ਕੋਲ ਰਹਿੰਣ ਦਾ ਹੱਕ ਹੈ ਪਰ ਤੁਹਾਨੂੰ ਅਦਾਲਤ ਜਾਣਾ ਪੈ ਸਕਦਾ ਹੈ। ਜੇਕਰ ਤੁਸੀਂ ਅਣ-ਵਿਆਹੇ ਨਹੀਂ ਹੋ ਤਾਂ ਅਦਾਲਤ ਇਹ ਫੈਸਲਾ ਕਰੇਗੀ ਕਿ ਤੁਸੀਂ ਰਹਿ ਸਕਦੇ ਹੋ ਜਾਂ ਨਹੀਂ।
- ਜੇਕਰ ਨਾਮਜ਼ਦ ਕਿਰਾਏਦਾਰ ਘਰ ਛੱਡ ਦਿੰਦਾ ਹੈ, ਤਾਂ ਰਹਿੰਦੇ ਪਤੀ ਜਾਂ ਪਤਨੀ ਕੋਲ ਉਸ ਘਰ ਵਿੱਚ ਰਹਿੰਣ ਦਾ ਹੱਕ ਹੈ ਪਰ ਅਣ-ਵਿਆਹੇ ਸਾਥੀ ਨੂੰ, ਇਹ ਪਤਾ ਕਰਨ ਲਈ ਕਿ ਉਹ ਰਹਿ ਸਕਦਾ/ਸਕਦੀ ਹੈ ਜਾਂ ਨਹੀਂ, ਅਦਾਲਤ ਵਿੱਚ ਜਾਣਾ ਪੈ ਸਕਦਾ ਹੈ।
- ਜੇਕਰ ਤੁਹਾਡੇ ਬੱਚੇ ਤੁਹਾਡੇ ਨਾਲ ਰਹਿ ਰਹੇ ਹਨ, ਤਾਂ ਅਦਾਲਤ ਆਮ ਤੌਰ ਤੇ ਉਨ੍ਹਾਂ ਦੇ ਹਿੱਤਾਂ ਨੂੰ ਪਹਿਲ ਦੇਵੇਗੀ, ਇਹ ਯਕੀਨੀ ਬਣਾਉਂਣ ਲਈ ਕਿ ਉਹ ਬੇ-ਘਰ ਨਾ ਹੋ ਜਾਣ। ਅਦਾਲਤ ਆਮ ਤੌਰ ਤੇ ਕਿਰਾਏਦਾਰੀ ਉਸ ਮਾਤਾ ਜਾਂ ਪਿਤਾ ਨੂੰ ਦਿੰਦੀ ਹੈ ਜਿਨ੍ਹਾਂ ਦੇ ਬੱਚਿਆਂ ਦੀ ਮੁੱਖ ਦੇਖਭਾਲ ਅਤੇ ਜ਼ਿੰਮੇਵਰੀ ਹੈ।
ਮਦਦ ਕਿਵੇਂ ਲਈ ਜਾਵੇ
- ਆਪਣੇ ਨੇਬਰਹੁੱਡ ਦਫ਼ਤਰ ਨਾਲ ਸੰਪਰਕ ਕਰੋ। ਤੁਹਾਡੀ ਸਥਿਤੀ ਬਾਰੇ ਤੁਹਾਡੇ ਨਾਲ ਗੱਲਬਾਤ ਕਰਨ ਅਤੇ ਤੁਹਾਨੂੰ ਸਲਾਹ ਦੇਣ ਵਿੱਚ ਸਾਨੂੰ ਖ਼ੁੱਸ਼ੀ ਹੋਵੇਗੀ। ਸਾਡੇ ਨਾਲ ਹੋਈ ਤੁਹਾਡੀ ਗੱਲਬਾਤ ਦੇ ਵੇਰ੍ਹਵੇ ਨੂੰ ਗੁਪਤ ਰੱਖਿਆ ਜਾਵੇਗਾ।
- ਤੁਸੀਂ ਪੇਸ਼ੇ ਦੇ ਮਾਹਿਰ ਵਿਅਕਤੀ ਕੋਲ ਵੀ ਜਾ ਸਕਦੇ ਹੋ ਜੋ ਤੁਹਾਡੀ ਖਾਸ ਸਥਿਤੀ ਬਾਰੇ ਤੁਹਾਨੂੰ ਸਲਾਹ ਦੇ ਸਕਦਾ ਹੈ: ਆਰਥਕ ਸਮੱਸਿਆਵਾਂ ਲਈ ਸਲਾਹਕਾਰ ਏਜੰਸੀਆਂ, ਪਰਿਵਾਰਕ ਸਮੱਸਿਆਵਾਂ ਲਈ ਸਲਾਹ ਦੇਣ ਦੀਆਂ ਸੇਵਾਵਾਂ, ਜਾਂ ਤੁਹਾਡੇ ਕਨੂੰਨੀ ਹੱਕਾਂ ਲਈ ਮੁਖਤਿਆਰ।
ਦੁਰਵਿਵਹਾਰ ਅਤੇ ਹਿੰਸਾ। ਜੇਕਰ ਤੁਹਾਡੇ ਘਰ ਵਿੱਚ ਕਿਸੇ ਨੇ ਜਾਂ ਸਾਬਕਾ-ਸਾਥੀ ਨੇ ਤੁਹਾਨੂੰ ਦੁਰਵਿਵਹਾਰ (ਸਰੀਰਕ, ਲਿੰਗੀ ਜਾਂ ਜ਼ੁਬਾਨੀ) ਨਾਲ ਧਮਕਾਇਆ ਹੈ, ਜਾਂ ਕੀਤਾ ਹੈ, ਤਾਂ ਤੁਸੀਂ ਮਦਦ ਅਤੇ ਸਲਾਹ ਲੈਣੀ ਚਾਹੋਗੇ। ਕੌਂਸਿਲ ਕੋਲ ਸਿੱਖਲਾਈ-ਪ੍ਰਾਪਤ ਦਲ ਹੈ ਜੋ ਤੁਹਾਡੀ ਮਦਦ ਕਰ ਸਕਦੀ ਹੈ। ਕੋਈ ਸੰਕਟ ਹੋਣ ਦੀ ਹਾਲਤ ਵਿੱਚ ਪੁਲਸ ਨਾਲ ਸੰਪਰਕ ਕਰੋ।
