ਫਲੈਟ ਵਿੱਚ ਰਹਿਣਾ

ਜੇਕਰ ਤੁਸੀਂ ਫਲੈਟ, ਬੈੱਡਸਿਟ ਜਾਂ ਪਰਿਵਾਰ-ਸਦਨ ਵਿੱਚ ਰਹਿੰਦੇ ਹੋ ਤਾਂ ਤੁਹਾਨੂੰ ਆਪਣੇ ਗੁਆਂਢੀ ਨਾਲ ਖਾਸ ਲਿਹਾਜ਼ਦਾਰੀ ਅਤੇ ਇੱਜ਼ਤ ਨਾਲ ਪੇਸ਼ ਆਉਂਣ, ਅਤੇ ਸਾਂਝੇ ਖੇਤਰਾਂ ਦੀ ਦੇਖਭਾਲ ਕਰਨ ਦੀ ਲੋਡ਼ ਹੈ।

ਤੁਹਾਡੇ ਸਵਾਲਾਂ ਦੇ ਜਵਾਬ

ਜਨਤਕ ਖੇਤਰਾਂ ਦੀ ਸਫ਼ਾਈ ਰੱਖਣੀ ਕਿਸਦੀ ਜ਼ਿੰਮੇਵਾਰੀ ਹੈ?

ਲੈਂਡਿੰਗ, ਪੌਡ਼ੀਆਂ ਅਤੇ ਲਾਂਘਿਆਂ ਦੀ ਸਫ਼ਾਈ ਭੂਮੀ ਸੰਪੱਤੀ ਦੇ ਸਫ਼ਾਈ ਕਰਮਚਾਰੀਆਂ ਦੁਆਰਾ ਕੀਤੀ ਜਾਂਦੀ ਹੈ। ਉਨ੍ਹਾਂ ਨੂੰ ਸਪੱਸ਼ਟ ਹਿਦਾਇਤਾਂ ਦਿੱਤੀਆਂ ਗਈਆਂ ਹਨ ਕਿ ਉਨ੍ਹਾਂ ਨੇ ਕਿਸ ਦੀ ਅਤੇ ਕਦੋ ਸਫ਼ਾਈ ਕਰਨੀ ਹੈ। ਸਾਂਝੇ ਖੇਤਰ ਵੇਖੋ। ਜੇਕਰ ਕੋਈ ਸਮੱਸਿਆ ਹੈ ਤਾਂ ਆਪਣੇ ਨੇਬਰਹੁੱਡ ਦਫ਼ਤਰ ਨਾਲ ਸੰਪਰਕ ਕਰੋ।

ਸਾਂਝੇ ਖੇਤਰਾਂ ਜਾਂ ਜਨਤਕ ਬਗ਼ੀਚਿਆਂ ਦਾ ਨਿਰਬਾਹ ਕਰਨਾ ਕਿਸਦੀ ਜ਼ਿੰਮੇਵਾਰੀ ਹੈ?

ਸਾਡੇ ਸਾਂਝੇ ਖੇਤਰਾਂ, ਬਗ਼ੀਚਿਆਂ ਅਤੇ ਖੇਡ ਖੇਤਰ ਦਾ ਨਿਰਬਾਹ ਕਰਨਾ ਸਾਡੀ ਜ਼ਿੰਮੇਵਾਰੀ ਹੈ। ਇਸ ਵਿੱਚ ਘਾਹ ਕੱਟਣ ਅਤੇ ਵਾਡ਼, ਪਗਡੰਡੀਆਂ ਅਤੇ ਸੁਕਾਉਣ ਵਾਲੇ ਖੇਤਰ ਦਾ ਨਿਰਬਾਹ ਕਰਨਾ, ਅਤੇ ਪ੍ਰਵੇਸ਼ ਫ਼ੋਨਾਂ ਅਤੇ ਲਿਫ਼ਟਾਂ ਦੀ ਸਰਵਿਸ ਕਰਨੀ ਸ਼ਾਮਲ ਹੈ। ਕਿਸੇ ਵੀ ਮੁਰੰਮਤ ਜਾਂ ਦੁਰਵਰਤੋਂ ਦੀ ਰਿਪੋਰਟ ਸਧਾਰਣ ਤਰੀਕੇ ਨਾਲ ਹਾਉਜ਼ਿੰਗ ਸੰਪਰਕ ਕੇਂਦਰ ਵਿੱਚ ਦਿੱਤੀ ਜਾਣੀ ਚਾਹੀਦੀ ਹੈ। ਇਨ੍ਹਾਂ ਖੇਤਰਾਂ ਦੀ ਦੇਖਭਾਲ ਕਰਨ ਅਤੇ ਸੁਹਾਵਣਾ ਰੱਖਣ ਵਿੱਚ ਸਾਡੀ ਮਦਦ ਕਰਨੀ ਤੁਹਾਡੀ ਜ਼ਿੰਮੇਵਾਰੀ ਹੈ।

ਟੈਲੀਵਿਜ਼ਨ ਦੇ ਏਰੀਅਲ ਅਤੇ ਸੈਟੇਲਾਈਟ ਡਿਸ਼ ਲਈ ਕੌਣ ਜ਼ਿੰਮੇਵਾਰ ਹੈ?

ਕੁੱਝ ਬਲੌਕਾਂ ਵਿੱਚ ਅਸੀਂ ਜਨਤਕ ਟੈਲੀਵਿਜ਼ਨ ਏਰੀਅਲ ਪ੍ਰਦਾਨ ਕੀਤੇ ਹਨ। ਇਨ੍ਹਾਂ ਬਲੌਕਾਂ ਵਿੱਚ ਜੇਕਰ ਤੁਹਾਡੇ ਟੈਲੀਵਿਜਨ ਤੇ ਤੁਹਾਨੂੰ ਕੋਈ ਸਮੱਸਿਆ ਆਉਂਦੀ ਹੈ ਤਾਂ ਆਪਣੇ ਗੁਆਂਢੀ ਨੂੰ ਇਹ ਵੇਖਣ ਲਈ ਪੁੱਛੋ ਕਿ ਉਸਨੂੰ ਵੀ ਸਮੱਸਿਆ ਆ ਰਹੀ ਹੈ ਜਾਂ ਨਹੀਂ। ਸਮੱਸਿਆ ਕੇਵਲ ਤੁਹਾਡੇ ਆਪਣੇ ਟੈਲੀਵਿਜਨ ਵਿੱਚ ਵੀ ਹੋ ਸਕਦੀ ਹੈ। ਜੇਕਰ ਦੂਜੇ ਕਿਰਾਏਦਾਰ ਨੂੰ ਵੀ ਇਹੀ ਸਮੱਸਿਆ ਆ ਰਹੀ ਹੈ, ਤਾਂ ਇਸਨੂੰ ਹਾਉਜ਼ਿੰਗ ਸੰਪਰਕ ਕੇਂਦਰ ਨੂੰ ਸਧਾਰਣ ਮੁਰੰਮਤ ਦੇ ਤੌਰ ਤੇ ਸ਼ਿਕਾਇਤ ਕਰੋ।
ਜੇਕਰ ਤੁਸੀਂ ਟੀ.ਵੀ. ਏਰੀਅਲ ਜਾਂ ਸੈਟੇਲਾਈਟ ਡਿਸ਼ ਲਗਾਉਂਣਾ ਚਾਹੁੰਦੇ ਹੋ ਤਾਂ ਤੁਹਾਡੇ ਲਈ ਸਾਡੇ ਕੋਲੋਂ ਲਿੱਖਤ ਅਨੁਮਤੀ ਲੈਣਾ ਜ਼ਰੂਰੀ ਹੈ।

ਫਲੈਟਾਂ ਵਿੱਚ ਹੋ ਰਹੇ ਸ਼ੋਰ ਦਾ ਕੀ ਕੀਤਾ ਜਾ ਸਕਦਾ ਹੈ?

ਫਲੈਟਾਂ ਦੇ ਬਲੌਕ ਵਿੱਚ ਛੱਤਾਂ ਅਤੇ ਦੀਵਾਰਾਂ ਦੇ ਪਾਰ ਵੀ ਸ਼ੋਰ ਨੂੰ ਸੌਖੇ ਹੀ ਸੁਣਿਆਂ ਜਾ ਸਕਦਾ ਹੈ। ਫਲੈਟਾਂ ਵਿੱਚ ਰਹਿੰਦੇ ਗੁਆਂਢੀਆਂ ਕੋਲੋਂ ਉਮੀਦ ਕੀਤੀ ਜਾਂਦੀ ਹੈ ਕਿ ਉਹ ਇੱਕ ਦੂਜੇ ਪ੍ਰਤੀ ਖਾਸ ਤਰੀਕੇ ਨਾਲ ਲਿਹਾਜ਼ਦਾਰ ਬਣਨ ਅਤੇ ਇੱਜ਼ਤ ਕਰਨ। ਆਪਣੇ ਗੁਆਂਢੀ ਦੀ ਇੱਜ਼ਤ ਕਰਨੀ ਅਤੇ ਸ਼ੋਰ ਮਚਾਉਣਾ ਅਤੇ ਪੁਆਡ਼ਾ ਪਾਉਂਣਾ ਵੇਖੋ।

ਆਪਣੇ ਗੁਆਂਢੀ ਦੀ ਇੱਜ਼ਤ ਕਰਨੀ

ਸਟੀਰੀਓਜ਼, ਰੇਡੀਓਜ਼ ਅਤੇ ਟੈਲੀਵਿਜਨਾਂ ਦੀ ਅਵਾਜ਼ ਮਾਤ੍ਰਾ ਮੁਨਾਸਿਬ ਪੱਧਰ ਤੇ ਰੱਖੋ।
ਬਾਲਕਨੀਆਂ, ਖਿਡ਼ਕੀਆਂ, ਲੈਂਡਿੰਗਜ਼ ਜਾਂ ਲਾਂਘਿਆਂ ਤੋਂ ਕੋਈ ਵੀ ਚੀਜ਼ ਸੁੱਟਣ ਜਾਂ ਗਿਰਾਉਂਣ ਦੀ ਇਜਾਜ਼ਤ ਨਾ ਦਿਓ।
ਬੱਚਿਆਂ ਨੂੰ ਸਾਂਝੀਆਂ ਪੌਡ਼ੀਆਂ ਜਾਂ ਲੈਂਡਿੰਗਜ਼ ਤੇ ਨਹੀਂ ਖੇਲਣਾ ਚਾਹੀਦਾ।
ਪਾਲਤੂ ਜਾਨਵਰਾਂ ਨੂੰ ਸਾਂਝੀਆਂ ਪੌਡ਼ੀਆਂ ਜਾਂ ਲੈਂਡਿੰਗਜ਼ ਤੇ ਰੱਖਣਾ ਜਾਂ ਅਵਾਰਾ ਘੁੰਮਣ ਨਹੀਂ ਦੇਣਾ ਚਾਹੀਦਾ।
ਪ੍ਰਵੇਸ਼ ਦੁਆਰ ਪ੍ਰਣਾਲੀ ਦੀ ਠੀਕ ਤਰੀਕੇ ਨਾਲ ਵਰਤੋਂ ਕਰਕੇ ਇਮਾਰਤ ਦੀ ਸੁਰੱਖਿਆ ਨੂੰ ਬਣਾਈ ਰੱਖੇ।

ਸਿਹਤ ਅਤੇ ਸੁਰੱਖਿਆ

ਲੈਂਡਿੰਗਜ਼। ਲੈਂਡਿੰਗਜ਼ ਅਤੇ ਪੌਡ਼ੀਆਂ ਨੂੰ ਖਾਲੀ ਰੱਖਿਆ ਜਾਣਾ ਜ਼ਰੂਰੀ ਹੈ। ਆਪਣੇ ਫਲੈਟ ਦੇ ਬਾਹਰ ਜਾਂ ਸਾਂਝੇ ਖੇਤਰ ਵਿੱਚ ਕੋਈ ਸੁਰੱਖਿਆ ਦਰਵਾਜਾ ਨਾ ਲਗਾਓ ਜਾਂ ਕੋਈ ਚੀਜ਼ ਨਾ ਛੱਡੋ ਜਿਵੇਂ ਪ੍ਰੈਮ, ਸਾਈਕਲ, ਜਾਂ ਪੌਦੇ।
ਜਲਣਸ਼ੀਲ ਬਾਲਣ। ਤੁਹਾਨੂੰ ਫਲੈਟਾਂ ਵਿੱਚ ਹੀਟਰ, ਕੁੱਕਰ ਆਦਿ ਲਈ ਬੋਤਲ ਵਿੱਚ ਭਰੇ ਪੈਰਾਫ਼ਿਨ ਜਾਂ ਹੋਰ ਜਲਣਸ਼ੀਲ ਪਦਾਰਥ ਨਹੀਂ ਵਰਤਣੇਂ ਚਾਹੀਦੇ।
ਹਾਨੀਕਾਰਕ ਕੀਟ, ਪੰਛੀ ਜਾਂ ਹੋਰ ਜੀਵ। ਬਾਹਰ ਖਾਣਾ ਜਾਂ ਕੂਡ਼ਾ-ਕਰਕਟ ਨਾ ਛੱਡੋ ਜਿੱਥੇ ਇਹ ਹਾਨੀਕਾਰਕ ਕੀਟ, ਪੰਛੀ ਜਾਂ ਹੋਰ ਜੀਵ ਜਿਵੇਂ ਕਬਤੂਰ, ਚੁਹੇ ਜਾਂ ਕਾਕਰੋਚਾਂ ਨੂੰ ਉਤਸ਼ਾਹ ਮਿਲ ਸਕੇ।

ਸਾਂਝੇ ਖੇਤਰ

ਸਫ਼ਾਈ। ਇਹ ਹੈਕਨੀ ਹੋਮਸ ਭੂਮੀ ਸੰਪੱਤੀ ਦੇ ਸਫ਼ਾਈ ਕਰਮਚਾਰੀਆਂ ਦੁਆਰਾ ਕੀਤੀ ਜਾਂਦੀ ਹੈ। ਉਹ ਹੋਰ ਕਾਰਜ ਵੀ ਕਰਦੇ ਹਨ ਜਿਵੇ ਲੈਂਡਿੰਗਜ਼ ਤੇ ਲਾਈਟ ਦੇ ਬੱਲਬ ਬਦਲਣੇ ਅਤੇ ਕੋਈ ਖ਼ਤਰਾ ਤੇ ਨਹੀਂ ਇਸ ਦੀ ਜਾਂਚ ਕਰਨੀ। ਇਹ ਯਕੀਨੀ ਬਣਾਉਂਣ ਦੇ ਲਈ ਕਿ ਸਫ਼ਾਈ ਦਾ ਕੰਮ ਠੀਕ ਤਰੀਕੇ ਨਾਲ ਕੀਤਾ ਜਾ ਰਿਹਾ ਹੈ ਨਿਯਮਪੂਰਣ ਜਾਂਚ ਕੀਤੀ ਜਾਂਦੀ ਹੈ।
ਕੂਡ਼ੇ ਦਾ ਨਿਪਟਾਰਾ। ਜ਼ਿਆਦਾਤਰ ਬਲੌਕਾਂ ਵਿੱਚ ਕਚਰਾ ਸ਼ੂਟਸ ਅਤੇ ਸਾਝੇ ਪੀਪੇ ਪ੍ਰਦਾਨ ਕੀਤੇ ਜਾਂਦੇ ਹਨ। ਕਚਰਾ ਸ਼ੂਟਸ ਦੇ ਹੇਠਾਂ ਗੱਤੇ ਦੇ ਡੱਬੇ ਨਾ ਪਾਓ। ਨੁਕਸਾਨ ਜਾਂ ਰੁਕਾਵਟ ਤੋਂ ਬਚਣ ਲਈ ਤੁਹਾਨੂੰ ਤੇਜ, ਗਿੱਲੀਆਂ ਜਾਂ ਗਲ-ਸਡ਼ ਰਹੀਆਂ ਵਸਤਾਂ ਲਪੇਟਣੀਆਂ ਚਾਹੀਦੀਆਂ ਹਨ।
ਮੁਰੰਮਤ ਕੇ ਕੰਮ। ਕਿਸੇ ਬਲੌਕ ਦੇ ਸਾਂਝੇ ਖੇਤਰਾਂ ਦੀਆਂ ਲਾਈਟ ਸਮੱਸਿਆਵਾਂ ਜਾਂ ਮੁਰੰਮਤ ਦੇ ਕੰਮਾਂ ਬਾਰੇ ਹਾਉਜ਼ਿੰਗ ਸੰਪਰਕ ਕੇਂਦਰ ਨੂੰ ਦੱਸਿਆ ਜਾਣਾ ਚਾਹੀਦਾ ਹੈ। ਇਸ ਕਿਤਾਬ ਦੇ ਪਿੱਛੇ ਦਿੱਤੀ ਗਈ ਸੰਪਰਕ ਸ਼ੀਟ ਵੇਖੋ।
ਅੱਗ ਦੇ ਦਰਵਾਜੇ। ਇਹ ਹਰ ਸਮੇਂ ਬੰਦ ਰੱਖੇ ਜਾਣੇ ਜ਼ਰੂਰੀ ਹਨ। ਕਿਸੇ ਵੀ ਕਾਰਣ ਕਰਕੇ ਇਨ੍ਹਾਂ ਨੂੰ ਜਬਰਦਸਤੀ ਨਾ ਖੋਲ੍ਹੋ।
ਗ੍ਰੈਫਿਟੀ। ਇਸਨੂੰ ਹਟਾਉਂਣ ਲਈ ਸਾਡੇ ਨਾਲ ਤੁਰੰਤ ਸੰਪਰਕ ਕਰੋ।