Ku noolaanshaha dabaqyada
Haddii aad ku nooshahay dabaq, qol isu furan ama dabaq isa saar ah waa inaad deriskaaga si gaar ah u tixgelisaa oo u ixtiraamtaa, oo aad meelaha la wadaago si wacan u ilaalisaa.
Weydiimihiinii oo laga jawaabay
Yaa ka ma’uul ah nadaafadda meelaha la wadaago?
Nadiifnta dhulka, jaranjarooyinka iyo marimmada waxaa mas’uul ka ah Nadiifiyayaasha Guryaha Taxan (Estate). Waxay si fiican u yaqaaniin meesha la nadiifinayo iyo inta mar ee la nadiifinayo. Eeg Meelaha la wadaago. Haddii ay dhibaato jirto la xiriir Xafiiska Xaafadaada.
Yaa ka mas’uul ah dayactirka meelaha la wadaago ama beeraha guud?
Annaga ayaa ka mas’uul ah dayactirka dhammaan beeraha iyo meelaha la waadaago ee aan annagu leenahay. Dayactirkaasna waxaa ka mid ah caws gooynta iyo hagaajinta xayndaabka, dhabbooyinka iyo qallajinta aaggaba, sidoo kale waxaan ka shaqaynaa telefoonka la iskula hadlo marka la soo gelayo iyo wiishashka. Wixii dayactir u baahan ama haddii aad aragtid wax la burburiyay waxaa loo soo sheegaa Xarunta Xiriirka Guryaha. Waxaad mas’uul ka tahay inaad naga caawisid sidii aan meelahaas u ilaalin lahayn oon uga dhigi lahayn meelo indhaha u roon.
Yaa ka mas’uul ah aryallada telefishinka iyo suxuunta satalaytka?
Dabaqyada qaar kooban ayaan siinaa aryal telefishin oo la wadaago. Haddii ay dhibaato kaa haysato telefishinka oo aad ku nooshahay dabaqyada aan soo sheegnay bal hubi deriskaaga inay iyaguna dhibaatadaas oo kale qabaan. Waxaa dhici karta in dhibaatadu telefishinkaaga ka timid. Haddii kire y stayaasha kale dhibaatada kula qabaan ugu soo sheeg Xarunta Xiriirka Guryaha sida aad dayactirka caadiga u gu soo sheegtid oo kale.
Haddii aad rabtid inaad rakabitid aryal telefishin ama saxan satalayt waa inaad marka hore oggolaansho qoraal ah annaga naga heshaa.
Maxaa laga samayn karaa qaylada dabaqyada dhexdooda ka jirta?
Si fudud ayaa darbiyada dabaqyada u dhexeeya qaylada looga dhex maqlaa. Sidaa awgeed dadka dabaqyada deggan waxaa laga sugayaa inay tixgelin iyo ixtiraam gaar ah isa siiyaan. Eeg Ixtiraamka deriskaaga iyo Buuqa iyo qaylada.
Ixtiraamka deriskaaga
- Codka rikoorada, raadiyayaasha iyo telefishinkaba ka dhig mid macquul ah.
- Waxba ha ka tuurin balakoonada, daaqadaha, marimmada ama meelha dhexe.
- Carruurtu waa inaysan ku ciyaarin jaranjarooyinka iyo marimmada.
- Xayawaanada marabida ah waa inaadan u oggolaan inay jaranjarada iyo marimmada isaga wareegaan.
- Si aad u ilaalisid ammaanka guriga.isticmaal albaabka wayn ee laga soo galo.
Caafimaadka iyo badbaadada
- Marimmada. Marimmada iyo jaranjarooyinku waa inay mar kasta banaanaadaan. Wax ha dhigin albaabka amaanka hortiisa hana uga tegin bannaanka ama meelaha la wadaago gaariga carruurta, baaskiilada ama geedaha.
- Shidaalka ololi kara. Waa inaadan diiriyayaasha, makiinadaha cuntada iwm ee dabaqyada gudohooda yaal u isticmaalin haamaha gaaska ama wax kale oo ololi kara.
- Xasharaadka. Ha kaga tegin qashinka cuntada meelaha soo jiidin kara shimbiraha, jiirka iyo barambarooyinka.
Meelalaha la wadaago
- Nadaafadda.Nadaafadda waxaa sameeya Nadiifiyayaasha Aqallada Waaxda Guryaha ee Hackney. Waxay kaloo sameeyaan shaqooyinka ay ka midka yihiin beddelidda nalalka marimmada iyo hubinta meelaha halista ah. Baaritaan joogto ah ayaa la sameeyaa si loo ogaado in guryaha si fiican loo nadiifiyay.
- Ururinta qashinka. Dhuumo qashin iyo haamo guud ayaa dabaqyada badankood yaal. Ha ku ridin dhuumaha kartoomada sida sanduuqa u samaysan. Waa inaad isku laalaabta wixii af leh ama qoyan ama qurmay si aysan dhuunta u xirin ama wax u yeelin.
- Dayactirka. Dayactirka ama nalalka ka xumaada ee meelaha la wadaago ee dabaqyada waa in loo sheegaa Xarunta Xiriirka Guryaha. Ka eeg Warqadda xiriirrada.
- Albaabada dabka. Albaabadaan waa inay markasta xirnaadaan. Waligaa ha riixin si aad u furto wax kasta oo dhaca.
- Summadaha darbiyada (graffiti). Si degdeg ah noola soo xiriir si aan u tirtirno.
