Ku noolaanshaha gurigaaga
Waxaad ogaataa in ku noolaanshaha gurigaaga aad ku nooshahayi uu saamayn ku yeelan karo deriskaaga. Fadlan tixgelinta ha ka tegin.
Weydiimihiinii oo laga jawaabay
Xayawaan marabi ah ma haysan karaa?
Waad haysan kartaa xayawaanada marabida ah ee guryaha lagu xanaanaysto badankood, hase yeeshee waa inaad noqotaa qof mas’uul ah ood ku dadaashaa inaan xayawaankaaga marabida ahi uusan qaylo, halis ama caafimaad xumo u keenin degganayaasha kale iyo shaqaalahayagaba. Eeg Xayawaanada marabida ah.
Sidee ayaan qashinka u xoorayaa?
Sida caadiga ah usbuuciiba mar ayay Dawladda Hoose qashinka ka ururisaa haamaha loogu talagalay. Deriskaaga weydii maalinta aaggiina laga ururiyo. Waxaan kaloo soo dhignaa sanaadiiq loogu talagalay qashinka dib loo isticmaalo oo iyagana usbuucii mar la faaruqiyo. Alaabta waawayn ama qashinka tirada badan waa inaad u qaadaa kontaynerka Dawladda Hoose ee xaafadaada ama meesha qashinka lagu ururiyo ee ugu dhow dhinaca aad Laondon ka deggan tahay. Waxaad si gooni ah u ballansan kartaa Adeegga Degaanka ee Dawladda Hoose. Eeg Ururinta qashinka.
Gurigayga dhexdiisa ganacsi ma ku samayn karaa?
Ganacsiyada qaarkood waad ku samayn kartaa guriga dhexdiisa haddii aad oggolaansho qoraal ah annaga naga haysatid. Ganacsigaagu waa inuusan marnaba deriskaaga dhibaato u keenayn, macaamiishaaduna waa inaysan guriga kuugu imaanayn. dabcan Gurigaaga marna looma isticmaali karo wax akhlaaqda iyo sharcigaba ka baxsan.
Maxaa is beddel ah oo aan beertayda ku samayn karaa?
Beertaada waad ka fulin kartaa wixii macquul ah oo dhul simid iyo dhir beeris ah. Waa inaad nala soo xiriirtaa haddii aad rabtid inaad dayrka beddeshid ama geedo gooysid iwm. Oggolaanshahayaga ayaad u baahan tahay ka hor inta aadan hawlaha qaarkood oo waawayn ku dhaqaaqin. Eeg Beertaada iyo Garaashyada iyo baabuur dhigashada.
Beertaada
Waxaad mas’uul ka tahay:
- inaad beerta nadaafadeeda ilaalisid oo aad qashinka ka xaaqdid
- inaad jartid oo qashinka hoose ka ururisid si aysan deriska u dhibin
- inaad dayactirtid dayrka iyo dhabbooyinka beerta ama muuqaallada kale sida meelaha la fariisto.
Waxaad u baahan tahay oggolaanshahayaga oo qoraal ah si:
- aad u samaysatid garaash, maqsin ama aqal dhirta lagu beero
- aad u samaysatid ama u beddeshid darbiga ama xayndaabka
- aad u gooysid ama u qaadid caws tiro badan, xayndaab ama geedo aadan adigu horay u beerin.
Xayawaanada marabida ah
- Waa inaad ku dadaashaa inaad xayawaankaaga marabida ah gacanta ku hayso si aysan isaga carcararin oo u waxyeellayn guryaha ama meelaha dadka ka dhexeeya.
- Xayawaankaaga marabida ahi waa inuusan dhibin ama ka nixin deriskaaga. Dhibkaasna waxaa ka mid ah saxarada, qaylada ama qurmuunka xayawaankaaga ka imaanaya.
- Waa inaadan xayawaanka u oggolaan inuu ku saxaroodo gurigaaga ama meel aad dersika wadaagtaan. Waa lagu ganaaxi karaa haddii aad eeygaaga u oggolaatid inuu meelaha guud ku saxaroodo ama iska warwareego.
- Waa inaadan u oggolaan in eeygaagu si joogto uga ciyo gurigaaga gudihiisa iyo dibadiisaba.
- Adiga iyo dadka kula deggenba waan u diidi karnaa inay xayawaan marabi ah haystaan haddii aydaan mas’uul fiican ahayn.
Ururinta qashinka
- Qashinka ku rid bac, ka dibna bacda ku rid dhuunta qashinka, maqsimada ama haamaha laguu diyaariyay.
- Isku day inaad qashin badan ku gurtid sanduuqyada loogu talagalay qashinka dib loo isticmaalo ee gurigaaga laguu diyaariyay. Xaafadda waxaa ku yaalla meelo kale oo qashinka dib loo isticmaalo lagu ururiyo.
- Qashinka cuntada bannaanka ha uga tegin waayo cuntadaasi waxay soo jiidanaysaa xasharaadka ay ka midka yihiin shinbiraha, jiirka iyo barambarada.
- Alaabada waawayn iyo qashinka badanba waa inaad si haboon uga takhalustaa.
