Halbeegyada dayactirka
Weydiimihiinii oo laga jawaabay
Waa maxay halbeegga dayactir ee aan filan karo?
Qaandaraaslayaasha la shaqeeya Degmada Hackney oo dhan waa inay hawlaha dayactirka uga jawaabaan si haboon oo waxtar leh. Farsamayaqaanadooda iyo qaandaraslayaashooda hooseba waa inay raacaan hab dhaqameed gaar ah marka ay gurigaaga gudihiisa ama aagiisa ay ka shaqaynayaan. Eeg Waxa aad filan kartid. Iyadoo ay sidaas tahay ayaan dhankaaga ka sugaynaa inaad u fududaysid inay shaqadooda si wacan u gutaan. Eeg Iskaashigaaga waa loo baahan yahay.
Maxaan samaynayaa haddii aanan adeegga ku qancin?
Haddii uusan dayactirku ku dhammaan muddada loo qabtay ama aadan ku qancin hawsha la qabtay ama adeegga la fidiyay fadlan la xiriir Xarunta Xiriirka Guryaha ama TMO. Ka eeg Warqadda xiriirrada. Si fiican ayay u baarayaan si ay u hubiyaan in shaqada loo qabtay si waafaqsan halbeegga iyadoo aan lala daahin. Haddii aadan ku qanacsanayn jawaabta cabashadaada lagaa siiyay waa inaad raacdaa nidaamkayaga cabashooyinka. Eeg Cabashooyinka.
Ma baartaan tayada farsamayaqaanada?
Waxaan samaynaa baaritaaan tayo oo joogto ah si aan u hubsano in qaandaraaslayaashayadu ay shaqo wacan qabanayaan. Baaritaankaani wuxuu noqon karaa booqasho aan ku nimaadno meesha shaqadu ka socoto si aan shaqada u aragno ama waxay noqon kartaa telefoon aan u soo dirno kireystayaasha annagoo weydiinayna sida loo qabtay shaqadii u dambeysay. Qof kasta oo hawl loo qabtay ma booqano oo telefon uma dirno. Guryaha ayaan marba qaar ka dooranaa.
Waxa aad filan kartid
Farsamayaqaanada gurigaaga ka shaqaynayaayi si xirfad sare leh ayay kuula shaqaynayaan. Waa inay:
- isu kaa sheegaan oo ay aqoonsigooda ku tusaan ka hor intaysan guriga soo gelin
- kuu sharxaan waxa ay samayn doonaan iyagoo kaala hadlaya sida ay arrintaasi kuu saamayn doonto
- daryeelaan gurigaaga iyo alaabtaadaba iyagoo ka ilaalinaya waxyeellada, boorka iyo rinjigaba
- ku dadaalaan in alaabta iyo qalabka farsamo ee ay wataani aanay halis ku ahayn adiga iyo booqdayaashaadaba
- ka nadiifiyaan qashinka oo aaga dib u habeeyaan maalin kasta markay shaqada dhammeeyaan
- hubiyaan in adeegyadu ay isku xiran yihiin maalin kasta iyo marka shaqadu dhammaato
- kuu sheegaan marka ay bannaanka shaqo ka bilaabayaan, ama ay deriska u sheegaan haddii aad maqan tahay.
Farsamayaqaanada looma oggola:
- inay sigaar ku cabaan gurigaaga ama beertaada
- inay raadiye ku daaraan guriga
- inay telefoonkaaga isticmaalaan adigoon u ogglaan ama ay telefoonkooda gacanta ka wacaan telefoono iyaga u gaar ah inta ay shaqada ku jiraan
- inay isticmaalaan korontadaada oggolaanshaaaga la’aantiis.
Iskaashigaaga waa loo baahan yahay
Waxaa lagaaga baahan karaa inaad waxyaabo gaar ah samaysid oo aad u diyaargarowdid booqashada farsamayaqaankayaga.
- Farsamayaqaanada kaligood guriga loogama tegi karo, sidoo kale loogama tegi karo iyadoo ay carruur (16 sano ka yar) kaliya joogaan. Haddii aad guriga ka tagtid waa in farsamayaqaankuna tagaa.
- Waa inaadan furahaaga meel ku qarin, ama qof u dhiibin, si uu farsamayqaanka ugu furo oo ay gurigaaga u soo galaan.
- Haddii hawadu xun tahay farsamayaqaannadu, iyadoo badbaadooda la eegayo, kama shaqayn karaan meelaha sarsare sida jaranjarooyinka dushooda ama saqafka sare.
- Waxaa lagaa sugaya in si farsamayaqaanadu ay shaqadooda habsami ugu gutaan aad ka ilaalisid carruurta iyo xayawaanka marabida ahba inaysan guriga dhex socsocon iyo inaad nadiifisd alaabta taal meesha ay ka shaqaynayaan.
- Haddii loo baahan yahay in alaabta iyo katiifadda meesha laga qaado inta aan shaqadu bilaabman ka hor, waa inaad ka qaadaa ka hor inta aysan farsamayaqaanadu imaan. Waxaa laga yaabaa inay rabaan inay ku caawiyaan hase yeeshee mas’uul kama noqon karaan wixii waxyeello ah oo alaabta soo gaara.
