اپنے گھر میں رہن سہن
یاد رکھیں کہ آپ اپنے گھر میں جو بھی کرتے ھیں، اس سے آپ کے ہمسائے متاثر ھو سکتے ھیں۔ براہ مہربانی، دوسروں کے آرام کا خیال کریں۔
آپ کے سوالات کے جوابات
کیا مجھے پالتو جانور پالنے کی اجازت ھے؟
آپ زیادہ تر پالتو جانور رکھ سکتے ھیں لیکن آپ کو ذمہ دارانہ مالکانہ رویے کا مظاہرہ کرنا ھو گا۔ اور اس بات کو یقینی بنانا ھو گا کہ آپ کے پالتو جانور ہمارے ملازمین یا دوسرے رہائش پذیر لوگوں کے لئے تکلیف، خطرے یا صحت کے لئے نقصان کا باعث نہ ھوں۔ ملاحظہ کریں، پالتو جانور۔
میں کوڑا کرکٹ کہاں اور کیسے پھینکوں؟
کونسل عموما نصب شدہ کوڑے کے ڈبوں میں سے ہفتے میں ایک بار کوڑا اکٹھا کرتی ھے۔ اپنے ہمسایوں سے دریافت کر لیں کہ آپ کے علاقے میں کوڑا اکٹھا کرنے کا دن کون سا ھے۔ اس کے علاوہ ہم نے ری سائیکلنگ کے متعدد ڈبے نصب کئے ھیں جنہیں ہفتے میں ایک بار خالی کیا جاتا ھے۔ آپ کوڑے کے بڑے ڈھیروں یا کسی بڑی شے کو کوڑا اکٹھا کرنے کی جگہ (سکپ) یا لندن میں اپنے قریبی 'ٹپ' لے جا سکتے ھیں۔ اس کے علاوہ آپ کونسل کی ماحولیاتی سروس سے خصوصی طور پر کوڑا اکٹھا کرنے کا بندوبست بھی کر سکتے ھیں۔ ملاحظہ کریں، کوڑا کرکٹ کو ٹھکانے لگانا۔
کیا مجھے اپنے گھر سے کاروبار کرنے کی اجازت ھے؟
آپ بعض مخصوص کاروبار اپنے گھر سے چلا سکتے ھیں، بشرطیکہ آپ نے ہم سے اس کی تحریری اجازت حاصل کی ھو۔ آپ کے کاروبار سے آپ کے ہمسایوں کو کسی طرح کی بے آرامی نہیں ھونی چاہیے۔ نہ ھی آپ اپنے گاہکوں سے گھر پر مل سکتے ھیں۔ اور ظاہر ھے کہ آپ اپنے گھر کو کسی قسم کے غیر قانونی یا غیر اخلاقی مقاصد کے لئے استعمال نہیں کر سکتے۔
مجھے اپنے باغیچے میں کس قسم کی تبدیلیوں کی اجازت ھے؟
ایک معقول حد تک آپ اپنے باغیچے میں کسی بھی قسم کی لینڈ سکیپنگ اور باغبانی کر سکتے ھیں۔ درخت یا باڑ وغیرہ کاٹنے سے پہلے آپ کو ہم سے رجوع کرنا ھو گا۔ بعض بڑے اقدامات سے پہلے آپ کو ہماری اجازت درکار ھو گی۔ ملاحظہ کریں، آپ کا باغیچہ اور گیراج اور پارکنگ ۔
آپ کا باغیچہ
آپ کی ذمہ داری ھے کہ:
- اپنے باغیچے کو صاف ستھرا اور کوڑے کرکث سے پاک رکھیں
- جھاڑیوں ، باڑ یا درختوں کی کانٹ چھانٹ یا تراش خراش کرتے رہیں تاکہ وہ ہمسایوں کے لئے تکلیف کا باعث نہ بنیں
- باغیچے میں موجود کسی قسم کی باڑ، روشوں یا باغیچے کے دوسرے خدوخال کو اچھی حالت میں رکھنا، جیسے کہ کوئی چھجا یا چبوترہ وغیرہ
مندرجہ ذیل میں سے کوئی بھی قدم اٹھانے کے لئے آپ کو ہماری تحریری اجازت درکار ھو گی:
- گیراج، چھپر یا گرین ہاؤس کی تعمیر کے لئے
- کسی باڑ یا دیوار کی تعمیر یا اس میں تبدیلی کے لئے
- کسی بھی قسم کی جھاڑیوں، باڑ یا درختوں کو کاٹنے، ہٹانے یا تباہ کرنے کے لئے، جب تک کے وہ آپ نے خود بوئے ھوں
پالتو جانور
- آپ کو اس بات کو یقینی بنانا ہو گا کے اپنے پالتو جانوروں کو قابو میں رکھیں گے، تاکہ وہ باہر نہ نکلنے پائیں اور املاک یا مشترکہ علاقے کو نقصان نہ پہنچائیں۔
- آپ کے پالتو جانور ہمسایوں کو تنگ یا خوفزدہ نہ کریں۔ اس میں گندگی پھیلانا، شور یا بدبو وغیرہ بھی شامل ھیں۔
- آپ اپنے پالتو جانوروں کو گھر یا ان جگہوں کو گندا نہ کرنے دیں جو آپ اپنے ہمسایوں کے ساتھ مل کر استعمال کرتے ھیں۔ اگر آپ اپنے کتے کو کسی مشترکہ جگہ کو گندا کرنے یا آوارہ گھومنے دیں گے تو آپ پر عدالت کی طرف سے جرمانہ بھی عائد ھو سکتا ھے۔
- اپنے گھر کے باہر یا اندر اپنے کتے کو مسلسل بھونکنے نہ دیں۔
- اگر آپ یا آپ کے ساتھ رہنے والے کسی بھی فرد نے غیرذمہ دارانہ مالکانہ رویے کا مظاہرہ کیا تو ہم آپ کو یا انہیں پالتو جانور رکھنے سے روک سکتے ھیں۔
کوڑا کرکٹ کو ٹھکانے لگانا
- تمام کوڑا کرکٹ تھیلوں میں ڈالیں اور ان تھیلوں کو کوڑے کی جگہ، سٹورزیا کوڑے کے ڈبے میں ڈالیں۔
- حتی الوسع کوشش کریں اپنے گھر یا املاک کے لئے فراہم کئے گئے ری سائیکلنگ کے ڈبوں کا زیادہ سے زیادہ استعمال کریں۔ اس کے علاوہ بارو میں دیگر کئی ری سائیکلنگ پوائنٹس ھیں۔
- فالتو خوراک کو کسی ایسی جگہ نہ پھینکیں جہاں کیڑے مکوڑوں یا دوسرے جانوروں کی افزائش کا امکان ھو۔
- آپ کو کوڑے کے بڑے ڈھیر یا کسی بڑی شے کو محفوظ طریقے سے ٹھکانے لگانا ھو گا۔
